Mikil samvinna er milli Fab Lab smiðjanna og skólanna í nágrenni þeirra. Áfangar í framhaldsskólum og greinar í grunnskólum eru kenndar í smiðjunum; áfangar þar sem áhersla er lögð á stafræna framleiðslu, hönnun, nýsköpun, tölvulæsi/leikni, rafeindatækni og forritun. Innan Fab Lab Ísland er mikil áhersla lögð á að þjálfa kennara – sem síðan þjálfa nemendur sína fyrir vegferð um hina skapandi veröld Fab Lab. Haldin eru sérstök námskeið fyrir kennara og opnir þjálfunartímar. Heimasíðu fyrir kennara haldið úti auk þess sem stuðlað er að virkni og samstarfi milli kennara í gegnum samskiptamiðla.